Dal romanzo “OMINES PO BRULLA” 

BABBAREDDU BIOSA
(Strinna, Mossa, Rizzu)

(Recitato- Pauliccu Mossa, ritmato lento).

A boltas, cando omines e feminas s’innamorana,
mi parene leados dae dilliriu o dae macchine.

Poite una femina s’isposada unu nanu,
unu cinciripuddu comente Babbareddu Biosa?
Po risparmiare in bestimenta e bottas, petta e pane?
Bos naro chi s’amore est una pregunta chena risposta!

Ello, it’est custa cosa chi tottu m’istana nende?
Nachi ti ses cojuende cun Babbareddu Biosa!
Attenzione, però, no ti lu furet su attu
o chi calchi omine distrattu no li ponzat su pè passende.

(Strofa. Cantato. Tenori 1 - Tenori 2).
Custa ‘oghe ch’han bogadu
de veras ch’hat postu in suddu;
a unu cinciripuddu
tue amore has professadu!

(Strofa. Cantato. Baritoni - Bassi).
Cun giudisciu has eleggidu
si isposas a Babbareddu:
paret unu cugumeddu
cun duas ancas naschidu!

(Inciso. Cantato. Coro intero).
Cudda die lu idèsi
ispaccone che un’azzua
e de s’istatura sua
meravigliada restesi.

(Inciso. Cantato. Coro intero).
Meravigliada restesi
cando tue lu idesi.
Meravigliada restesi
tue de s’istatura sua...

(Inciso. Cantato. Coro intero).
Cudda die lu idesi
che boccinu rodulende!
Cun d’unu palmu de fresi
lu estis gioga gioghende !

(Inciso. Cantato. Coro intero).
Lu estis gioga gioghende,
cun d’unu palmu ‘e fresi,
lu estis gioga gioghende
cun d’unu palmu ‘e fresi.

(Strofa. Cantato. Coro intero).
Lu estis a s’usuale
in cappottinu e in ragas,
po lu calzare no pagas
pius de mesu reale...

(Strofa. Cantato. Coro intero).
In bujacca de siguru
bi podet ischeltiare,
est capaze de ch’intrare
in d’ogni istampa de muru!

(Inciso. Cantato. Coro intero).
Po istare a s’isbramida
no pones mai padedda:
tres ranos de faiscedda
li faghen totta sa ghida!

(Inciso. Cantato. Coro intero).
Chirchende maridu nanu
has fattu unu frusciu in oros,
perdezzi chi tantos coros
l’han disizzadu invanu.

(Inciso. Cantato. Coro).
Cudda die lu idesi
ispaccone che un’azzua
e de s’istatura sua
meravigliada restesi.

(Inciso. Cantato. Coro).
Cudda die lu idesi
che boccinu rodulende!
Cun d’unu palmu de fresi
lu estis gioga gioghende!

(Inciso. Cantato. Coro).
Po istare a s’isbramida
no pones mai padedda:
tres ranos de faiscedda
li faghen totta sa ghida!

(Inciso. Cantato. Coro).
Chirchende maridu nanu
has fattu unu frusciu in oros,
perdezzi chi tantos coros
l’han disizzadu invanu.

(Recitato, Pauliccu Mossa).
Ello, it’est custa cosa
chi tottu m’istana nende?
Nachi ti ses cojuende
cun Babbareddu Biosa!